Тыдзень беларускай мовы, які праходзіў у школе з 19 па 23 верасня, быў багаты на мерапрыемствы. На працягу тыдня вучні стварылі воблака слоў "Маё любімае слова па - беларуску", віншавальныя паштоўкі "Пажаданні роднай мове"; удзельнічалі ў віктарыне "Размаўляем па-беларуску", конкурсе "Пагуляем у роднае слова". Завяршыў тыдзень фэст "Беларуская кухня". Вучні з радасцю прэзентавалі стравы беларускай кухні, а затым адбылася дэгустацыя страў.